Takim në kuadër të “Ballkanit të Hapur”

Krerët e tri vendeve të vetme anëtare të nismës “Ballkani i Hapur” takohen të dielën në Itali. Kryeministri i Shqipërisë, Edi Rama, presidenti i Serbisë, Aleksandar Vuçiq dhe kryeministrin e Maqedonisë së Veriut, Dimitar Kovaçevski, zhvillojnë takim për nismën, raporton televizioni serb “RTS”.

Udhëheqësit e Maqedonisë së Veriut, Shqipërisë dhe Serbisë ndodhen në një vizitë dyditore në Veronë të Italisë. Pas takimit, ata do ta vizitojnë Panairin Ndërkombëtar të Verës “VinItaly 2023” në Verona, e me ministrin e Jashtëm të Italisë, Antonio Tajani, do të vizitojnë vendin ku do të ekspozohen verërat nga vendet anëtare të iniciativës “Ballkani i Hapur”, përcjell albinfo.ch.

“Ballkani i Hapur” për herë të parë është zhvendosur jashtë rajonit, për të tërhequr vizitorë të rinj me verëra cilësore, thuhet nga “RTS”, përcjell albinfo.ch.