Fluturime të reja mes Gjenevës dhe Nju-Jorkut

(KEYSTONE/Ennio Leanza)

Një shërbim i ri ka filluar t’u ofrojë pasagjerëve fluturime ditore midis aeroportit të Gjenevës dhe aeroportit JFK në Nju-Jork.

Delta Air Lines filloi fluturimet mes Zvicrës dhe SHBA-së.

Fluturimet do të kryhen çdo ditë të javës, gjatë sezonit veror, duke u nisur në orën 12:50, sipas orës së Gjenevës dhe mbërritja në Nju-Jork në orën 15:25.

Një fluturim kthimi do të largohet nga Big Apple në orën 20:45, duke u ulur në Gjenevë mëngjesin tjetër në orën 10:50, shkruajnë mediat zvicerane, përcjell albinfo.ch.

Delta Air Lines thotë se shërbimi i ri “plotëson një nevojë thelbësore si për Gjenevën ndërkombëtare, për ekonominë e rajonit dhe për turizmin”.

United Airlines aktualisht kryen fluturime midis Gjenevës dhe Newark në New Jersey, në bashkëpunim me Swiss Airlines.

Aeroporti i Gjenevës thotë se fluturimet e Delta Air Lines “do të nxisin tregun në Shtetet e Bashkuara, i cili ka qenë relativisht i ndenjur për 10 vjet”.