Aksident në Gjermani, 52 të plagosur nga përplasja e autobusit me cisternën

Aksidenti ka ndodhur mes qyteteve Storkow dhe Friedersdorf.

Të paktën 52 persona u plagosën në një aksident në autostradën A12 në Brandenburg, në pjesën lindore të Gjermanisë.

Aksidenti ka ndodhur mes qyteteve Storkow dhe Friedersdorf, raporton agjencia gjermane e lajmeve DPA, duke cituar burime policore, përcjell Albinfo.ch.

Një cisternë, që shkonte për në Berlin, tentoi të ndryshonte korsinë dhe pasi u përplas me një kamion, u përplas më pas me një autobus turistik polak.

Trafiku në autostradë është ndërprerë përkohësisht dhe në vendngjarje kanë mbërritur forca të forta zjarrfikëse, autoambulanca dhe tre helikopterë.

Dhjetë nga të plagosurit që u dërguan në spital janë në gjendje të rëndë dhe njëri prej tyre është në gjendje kritike për jetën./Albinfo.ch/

---