Presidentja e Kosovës: Miqësia e Kosovës me Austrinë është sa e vjetër, aq edhe e çmueshme

Osmani: Austria na ndihmoi në shtetndërtim; bashkëpunimi ekonomik, bazë për miqësi afatgjate

Presidentja e Kosovës, Vjosa Osmani, ka deklaruar se miqësia e Kosovës me Asturinë është sa e vjetër, aq edhe e çmueshme, duke kontribuar edhe në shtetndërtimin e Kosovës.

Në ceremoninë e Themelimit të Shoqatës së Miqësisë Austriako-Kosovare, Osmani tha se bashkëpunimi i ndërsjellë ekonomik shërben edhe si bazë për miqësi afatgjate, përcjell albinfo.ch.

“Shteti i Kosovës është bërë falë ndihmës së miqve të saj, sikurse që është Austria dhe kjo do ta bëjë edhe më të fortë këtë bashkëpunim. Fuqia e miqësisë mes të dyja vendeve është e pamatshme, ndërkaq dobia e popujve të të dyja vende është e madhe”. “Ato ndërtohen mbi bazën e besimit, të vlerave dhe dëshirës për të punuar së bashku për të mirën e përbashkët. Bashkëpunimi i ndërsjellë ekonomik shërben edhe si bazë për miqësi afatgjate, duke promovuar edhe stabilitetin ekonomik në shkallë të lartë”.

“Miqësia e Kosovës me Asturinë është sa e vjetër, aq edhe e çmueshme. Austria gjithmonë ndihmonte në shkollimin e të rinjve nga Kosova”, tha Osmani.

 

 

 

---