CNN sugjeron Shqipërinë si destinacion këtë verë: Bregdet përrallor

Amerikanët dynden drejt Evropës, CNN rendit edhe Shqipërinë

Tashmë ftesa për të vizituar Shqipërinë si një destinacion që ofron plazhe të mrekullueshme, por jo vetëm, për amerikanët dhe europianët këtë verë vjen edhe nga prestigjozja CNN Travel, përcjell albinfo.ch.

Në një artikull ku e cilëson rivierën shqiptare shumë më pak të zhurmshme nga turistët sesa Greqia dhe Italia fqinje, CNN thotë se një vend sekret i ruajtur mes udhëtarëve mëndjemprehtë nuk ka gjasa të qëndrojë i tillë për një kohë të gjatë.

Duke e shoqëruar shkrimin me një foto nga bukuria që ofrojnë ishujt e Ksamilit në Sarandë, CNN Travel nuk heziton aspak ta cilësojë “përrallor” bregdetin tonë.

Turistëve amerikanë dhe atyre europianë u kujton se në Shqipëri do të gjejnë gjithçka, duke nisur nga çmimet tepër të lira, ushqim, histori, mikpritje, natyrë e plazhe mbresëlënëse.

 

---