Ricky Martin nesër mban koncert në Tiranë

Mesazhi i Ricky Martin: Do të jetë fantastik, bëhuni gati për të kërcyer

Këngëtari me famë botërore, Ricky Martin, ka një mesazh për publikun shqiptar para koncertit madhështor që pritet të mbahet nesër në mbrëmje në sheshin “Skënderbej”. Në mesazhin e ndarë nga kryebashkiaku Veliaj në rrjetet sociale, këngëtari thekson se koncerti do të jetë fantastik dhe i fton të gjithë të bëhen gati për të kërcyer, përcjell albinfo.ch.

“Përshëndetje, Shqipëri! Si jeni? Unë jam Ricky Martin dhe sapo kam mbërritur në Tiranë. Jam shumë i lumtur që jam këtu, sepse kam një koncert të madh në sheshin “Skënderbej” më 20 korrik. Dua të gjithë të jeni aty dhe bëhuni gati për të kërcyer, pasi do të jetë shumë fantastike. Uroj ta shijoni dhe shihemi së shpejti”, shprehet këngëtari i njohur.

---