Kriza në Ukrainë

Presidenti rus urdhëron luftëtarët e Wagner të betohen për besnikëri

E shtunë, 26 Gusht 2023 - 17:40 albinfo.ch

Presidenti i Rusisë, Vladimir Putin, i ka urdhëruar luftëtarët e grupit mercenar, Wagner, të nënshkruajnë një zotim për besnikëri ndaj shtetit rus pas përplasjes vdekjeprurëse të aeroplanit që vrau shefin e këtij grupi, Yevgeny Prigozhinin.

Presidenti rus e nënshkroi dekretin, duke e bërë aktin me efekt të menjëhershëm, pasi Kremlini ka thënë se sugjerimet e Perëndimit se Prigozhini është vrarë me urdhrat e tij, ishin një “gënjeshtër absolute”, raporton Reuters, përcjell albinfo.ch.

Sipas dekretit, obligohet secili person që kryen punë në emër të ushtrisë ose mbështet atë që Moska e quan “operacion special ushtarak” në Ukrainë, të thotë një betim zyrtar për besnikëri ndaj Rusisë.

Në dekret thuhet se luftëtarët duhet të zotohen për besnikërinë e tyre për Federatën Ruse, rreptësisht t’i ndjekin urdhërat e komandantëve dhe eprorëve të tyre dhe në vazhdimësi të përmbushin obligimet e tyre.

 

 Të tjera nga Kriza në Ukrainë

Cassis: Zvicra dëshiron t’i rikthejë në rrugën e duhur bisedimet e paqes për Ukrainën

 E-Diaspora

 Jeta në Gjermani