iPhone juaj aktual humb vlerën këtë fundjavë

pixaboy

Apple dhe klientët e saj po bëhen gati për lancimin e gjeneratës së re të iPhone-ve.

Sipas thashethemeve, iPhone 15 mund të prezantohet nga Apple më 12 shtator.

Nisur nga afrimi i datës, ekspertët këshillojnë këdo që do të shesë telefonin për të blerë një të ri më pas, që të veprojë tani, pasi vlera e të gjitha modeleve pritet të bjerë.

Kompania e ndërrimit të celularëve Sellcell parashikon që çmimet e ndërrimit të bien me 16% pas daljes në treg të modeleve të reja. Kurse sipas Envirofone vlera e shitjes apo këmbimit për iPhone 14 Pro do të bjerë me 16 percent me afrimin e datës së lançimit të produkteve të reja.

iPhone 14 Pro shitet mesatarisht për rreth 820 dollarë për momentin, por pas lançimit, çmimi mund të bjerë me 130 dollarë.

Në të kaluarën, iPhone-ët e vjetër kanë humbur midis 60 për qind dhe 65 për qind të çmimit fillestar të rekomanduar me pakicë (RRP) 28 ditë përpara lançimit të një modeli të ri.

Kjo do të thotë se koha ideale për të shitur celularin tuaj të vjetër do të ishte para 26 gushtit/cnn