Hekurudhat Federale Zvicerane, sërish fitimprurëse

(KEYSTONE/Urs Flueeler)

Hekurudhat Federale të Zvicrës raportuan një numër rekord pasagjerësh në gjysmën e parë të këtij viti dhe me 1.33 milionë pasagjerë çdo ditë, kompania hekurudhore u kthye në fitim për herë të parë që nga viti 2019, shkruan swissinfo, përcjell albinfo.ch.

Në gjashtë muajt e parë të vitit, Hekurudhat Federale të Zvicrës realizuan një fitim neto prej 99 milionë CHF (112 milionë dollarë), krahasuar me një humbje neto prej 142.3 milionë CHF në gjysmën e parë të vitit 2022.

Në muajin mars, numri i pasagjerëve tejkaloi për herë të parë nivelet para Covid-19. Gjatë gjithë periudhës në shqyrtim, ajo u hodh me 21.4% nga viti në vit dhe 3.04% në raport me vitin 2019, duke arritur një nivel të paregjistruar më parë.

Kompania vë në dukje gjithashtu trendin pozitiv në trafikun ndërkombëtar të pasagjerëve, me 5.7 milionë njerëz të transportuar në gjysmën e parë, 20% më shumë se rekordi i mëparshëm për vitin 2019.