Shaqiri: Loja ndaj Kosovës, shumë e veçantë për mua, prioritet – kualifikimi

Keystone (Kirill Kudryavtsev, Pool via AP)

Futbollisti shqiptar, Xherdan Shaqiri, ka thënë se loja ndaj Kosovës do të jetë e veçantë për të, megjithatë bëri të ditur se prioritet për të është kualifikimi në Kampionatin Evropian, shkruan albinfo.ch.

“Është një lojë shumë e veçantë për mua. Të luaj kundër Kosovës në Basel dhe në të njëjtën kohë të barazosh rekordin e Heinz Hermann, e bën atë edhe më të veçantë për mua. Por prioriteti i parë është sigurisht kualifikimi në Kampionatin Evropian”, ka thënë Shaqiri.

Sa u përket kërkesave për bileta, Shaqiri u shpreh se vetëm prindërit e tij donin 40 bileta, ndërsa tha se miqtë akoma e telefonojnë çdo ditë.

Ndryshe, ndeshja mes Kosovës dhe Zvicrës do të zhvillohet nesër nga ora 20:45.