Bishtazhini i Gjakovës merr pamje mahnitëse për festat e fundvitit

Bishtazhini, gati për festat e fundvitit

Edhe këtë vit, fshati Bishtazhin i komunës së Gjakovës ka marrë pamje magjepsëse. Në prag të festës së Krishtlindjes ka marrë një pamje shumë tërheqëse që josh të gjitha moshat ta vizitojnë dhe ta përjetojnë atmosferën e këndshme të krijuar aty, shkruan albinfo.ch.

Ashtu si çdo vit për festat e fundvitit, Krishtlindjet dhe Vitin e Ri, fshati Bishtazhin i Gjakovës është stolisur bukur duke ofruar pamje dhe kënaqësi për të gjithë vizitorët.

Fshati duket mahnitës, madje, po u jep leksion edhe vendeve të tjera të Kosovës, të cilat ende nuk kanë filluar dekorimet e fundvitit në shumë qytete.

Ky dekorim është realizuar nga banorët e fshatit, të cilët kanë thënë se për këtë punë janë angazhuar rreth një muaj. Ndërsa për t’u arritur kjo pamje, të rinjtë janë ndihmuar financiarisht nga bashkëfshatarët nga diaspora. /Albinfo.ch

 

 

---