Ambasadori Ukelli priti përfaqësuesit e Odës Ekonomike për Zvicër

Takim me Odën Ekonomike Zvicër – Kosovë

Bëhet e ditur se ambasadori Ukelli, i shoqëruar nga u.d. i Konsullatës së Përgjithshme në Gjenevë, Rexhep Bajraktari, kanë pritur në Ambasadën e Kosovës në Bernë përfaqësuesit e Odës Ekonomike Zvicër-Kosovë për Tregti, Industri e Shërbime për pjesën frankofone, me seli në Gjenevë, kryetarin z. David Garcia, dhe ish-kryetarin, z. Stefan Sarkany, përcjell albinfo.ch.

Ambasadori Ukelli ka shprehur mirënjohjen e tij ndaj z. Sarkany për kontributin e tij gjatë 12 vjetëve në krye të Odës dhe i ka dëshiruar sukses kryetarit të ri, duke e inkurajuar për intensifikim të bashkëpunimit dhe zhvillimit të marrëdhënieve ekonomike mes Kosovës dhe Zvicrës.

Sarkany falënderoi ambasadorin Ukelli për pritjen e ngrohtë, duke shprehur bindjen që me udhëheqjen e re, Oda do të vazhdojë rrugën e mbarë dhe duke hapur horizonte të reja bashkëpunimi, me investime në fushën e bujqësisë, shëndetësisë, të shërbimeve dhe në sistemin dual të arsimit.

 

---