Mësuesit e shkollave të Gjenevës, në grevë njëjavore

(KEYSTONE/Gaetan Bally)

Mësuesit po protestojnë kundër dy mësimeve shtesë që qeveria e Gjenevës dëshiron të prezantojë në vitet e ardhshme.

Grevat vijnë pasi atyre u duhet të punojnë më shumë për të njëjtën pagë, teksa konsiderohet se në një krahasim ndërkantonal, Gjeneva është ende mirë. Atje mësuesit e mesëm mund të përdorin dy të tretat e kohës së tyre për përgatitje. Mesatarisht në Zvicër orari i punës së mësuesve të mesëm ndahet në mënyrë të barabartë: 50 për qind mësimdhënie dhe 50 për qind përgatitje, transmeton albinfo.ch.

Drejtori i Arsimit i Gjenevës i FDP-së e konsideron grevën njëjavore krejtësisht joproporcionale dhe po konsiderohet se një gjë e tillë nuk funksionon, sidomos pasi mësuesit e mesëm në Gjenevë kanë kushte më të mira se kolegët e tyre në kantonet e tjera.

Kudo tjetër në Zvicër, mësuesit e mesëm mbajnë 28 orë mësimi, gjysma e kohës së tyre të punës. Shtimi i dy mësimeve ka kuptim, sipas drejtorit arsimor të Gjenevës. Në asnjë rrethanë ai nuk dëshiron të dorëzohet para kërkesave të sindikatës së mësuesve për të ngrirë rritjen e dy orëve mësimore, shkruan SRF.