Policia arreston tre shqiptarë që kryenin vjedhje nëpër Austri

Foto ilustrim

Tre shqiptarë janë arrestuar për vjedhje serike në ndërtesa banimi. Ata plaçkitën shtëpi në Austrinë e Ulët, Austrinë e Epërme, Steiermark, Salzburg dhe Burgenland.

Tre shtetasit shqiptarë janë të moshës 32, 36 dhe 49 vjeç dhe dyshohen se kanë kryer gjithsej 20 vjedhje në ndërtesa banimi nga data 20 maj 2021 deri më 3 qershor 2021, shkruajnë mediat austriake, përcjell albinfo.at

Ata kanë hapur me forcë dritaret dhe dyert e oborrit dhe më pas nga objektet kanë vjedhur para të gatshme dhe bizhuteri me vlerë rreth 200 mijë euro. Dëmet materiale të shkaktuara janë të konsiderueshme. Po ashtu, të arrestuarit kanë rrëfyer për policinë përfshirjen e tyre.

Për shkak të hetimeve të punonjësve të Policisë Kriminale të Austrisë së Poshtme dhe në vendngjarje nga inspektorët përgjegjës të policisë, u identifikua grupi shqiptar i autorëve. Dy të dyshuar (36 dhe 49 vjeç) janë ekstraduar në Austri në vitin 2022 pas arrestimit të tyre.

I dyshuari i tretë është arrestuar në Spanjë

32-vjeçari, i cili ishte ende në arrati, u arrestua në Spanjë më 5 shkurt 2024 në bazë të urdhrit evropian të arrestit të lëshuar nga prokuroria publike e Gracit. I akuzuari u ekstradua nga Spanja në Austri më 19 mars 2024 dhe u arrestua në aeroportin e Vjenës Schwechat, shkruajnë mediat austriake.

Ndaj tyre kishte një urdhër arresti evropian. Që atëherë ata janë dënuar me disa vite burg nga Gjykata Rajonale e Grazit.