Raportohet se Sylvinho është kundër zgjerimit të listës për Evropian

23 është numri i futbollistëve që kanë marrë pjesë në evente madhore, derisa po diskutohet që numri të shkojë në 26

Në Duseldorf të Gjermanisë, UEFA po e mban një mbledhje goxha të rëndësishme.

Aty sot dhe nesër do të diskutohet rreth shtimit të numrit të futbollistëve në grumbullim për “EURO 2024”, nga 23 sa është aktualisht në 26.

Gjatë këtyre dy ditëve pritet të vendoset nëse kombëtaret pjesëmarrëse do të lejohen të marrin me vete më shumë lojtarë.

Por, raportohet që kundër kësaj kanë dalur dy trajnerë.

E ata janë trajneri i kombëtares së Shqipërisë, Sylvinho dhe ai i Francës, Didier Deschamps, transmeton albinfo.ch.

Ata nuk e preferojnë këtë opsion të ndodh. Ndërkaq më të zëshmit që ky rregull të hyjë në fuqi janë Gareth Southgate i Anglisë dhe Ronald Koeman, i Holandës.

Të hënën dhe të martën, trajnerët të japin mendimet e tyre rreth kësaj çështje. Vlen të theksohet se në Evropianin e kaluar, të mbajtur në 2021-shin në Angli, por edhe në Botërorin e Katarit në 2022-shin, skuadrat u përfaqësuan me 26 futbollistë.

---