Zviceranët kanë fuqi blerëse më të lartë se fqinjët e tyre

pixabay

Edhe pse Zvicra është një vend me kosto të lartë, një studim i ri tregon se fuqia blerëse e banorëve të saj është më e madhe se në vendet fqinje, përcjell albinfo.ch.

Sipas të dhënave të publikuara këtë javë nga instituti i kërkimit të tregut GfK, Zvicra ka një fuqi mesatare blerëse për frymë prej pothuajse 50,000 franga — 3.9 për qind më shumë se në vitin 2023. Përveç të ardhurave, analiza e GfK përfshinte edhe të ardhurat kapitale, përfitimet e papunësisë, përfitimet familjare , dhe pensionet.

E konvertuar në euro për qëllime krahasimi, Zvicra ka një fuqi blerëse për frymë prej 52,566 euro. Shifra e Austrisë është 29,266 euro dhe ajo e Gjermanisë 27,848 euro.