Vaud: Radari që tregon edhe shumën e dënimit

Këto pajisje do të instalohen në Yverdon (Kantoni Vaud) dhe janë pjesë e një projekti pilot që synon të rrisë ndërgjegjësimin e shoferëve për gjobën që mund të paguajnë në rast shkeljeje

Me qëllim të parandalimit, në Yverdon (VD) janë instaluar në bazë eksperimentale radarë të rinj të cilët informojnë shoferët jo vetëm për shpejtësinë e tyre, por edhe për shumën e një gjobe të mundshme.

Ky lloj i ri parandalimi “u flet shoferëve më shumë se një ‘emotion’ i thjeshtë i qeshur ose i pakënaqur, duke treguar në terma monetarë shumën e gjobës që shkelësi do të duhej të paguante në rast të një kontrolli represiv”, shpjegojnë autoritetet e qytetit, transmeton albinfo.ch.

Radarët, të blerë nga kompania NéoSicura e Morges (VD), mund të përdoren gjithashtu për të analizuar shpejtësitë e regjistruara për të identifikuar kohët me një shkallë të lartë shkeljesh.

---