Aeroporti i Bazelit evakuohet për arsye sigurie

Euroaeroporti pranë Bazelit u mbyll mbrëmjen e së mërkurës. Terminali u evakuua

“Për arsye sigurie, terminali duhej të evakuohej dhe aktualisht është i mbyllur,” shkruhet në faqen e internetit të Euroaiport pranë Bazelit të mërkurën në mbrëmje.

A është një tjetër kërcënim me bombë? Helikopterët po qarkullojnë aktualisht në zonën e aeroportit, siç thonë dëshmitarët për “20 minuta”, transmeton albinfo.ch.

Evakuimi u urdhërua rreth orës 19:15, tha një zëdhënëse e aeroportit për agjencinë e lajmeve Keystone-SDA. Pasagjerët duhet të presin vonesa. Zëdhënësja nuk dha asnjë informacion të mëtejshëm.

Aeroporti, i cili ndodhet në tokën franceze, është dashur të evakuohet disa herë gjatë muajve të fundit. Hera e fundit që u mor një kërcënim për bombë ishte më 18 mars. Trafiku ajror ishte veçanërisht i kufizuar në tetor 2023: Në atë kohë kishte katër kërcënime të rreme me bomba brenda shtatë ditëve.

---