Zvicër: Gjobiten rëndë dy shoferë, pasi postuan videot në rrjetet sociale

@pixabay

Dy drejtues mjetesh kanë postuar veten duke vozitur me shpejtësi të lartë në rrjetet sociale dhe janë vënë në gjurmë nga policia.

Njëri nuk do të ngasë më kurrë dhe tjetri merr një pezullim 2-vjeçar. Të dy u gjobitën rëndë.

Një 21-vjeçar filmoi veten duke vozitur me 250 km/h në autostradën A9 në Valais verën e kaluar – më pas ai e vendosi videon në Snapchat. Gjyqtarët vendosën se ai nuk do të drejtojë më kurrë, transmeton albinfo.ch.

Një shofer i dytë, një 23-vjeçar, voziti përmes një tuneli në A9 midis Gamsen dhe Visp me 235 km / orë, ai u pezullua për 2 vjet, pasi policia e gjeti atë përmes videos së tij në TikTok.