AAK – dega në Zvicër zgjedh strukturat drejtuese

Foto FB: Ramush Haradinaj

Kryetari i Aleancës për Ardhmërinë e Kosovës, Ramush Haradinaj, ka njoftuar se dega në Zvicër e kësaj partie sot ka mbajtur Kuvendin e saj Zgjedhor qendror ku janë zgjedhur strukturat drejtuese të degës.

Përmes një postimi në rrjetin social “Facebook”, Haradinaj ka dhënë detaje në lidhje me këto zgjedhje, transmeton albinfo.ch.

“Sot, AAK – Dega në Zvicër, ka mbajtur Kuvendin Zgjedhor qendror ku janë zgjedhur edhe strukturat e reja drejtuese, kryetari dhe kryesia. Në praninë e 50 delegatëve, Ndrec Thaqi mori besimin për udhëheqjen e Aleancës në Zvicër. Gjithashtu është zgjedhur kryesia e re. Me një pjesëmarrje prej qindra delegatëve gjatë gjithë procesit, janë zgjedhur kryetarët e rinj në këto kantone: Luzern – Rexhep Salihaj, Bernë – Feriz Tolaj, Schwyz – Leonard Gjokaj, St. Gallen – Avdyl Muçaj, Gjenevë – Driton Molliqaj, Argau – Nuard Buzhala, Lozanë – Zen Bajrami, Schaffhausen – Mujë Demhasaj, Valais – Besim Kadriaj, Zurich – Korab Gashi”, ka shkruar ai.

Haradinaj ndër të tjera ka shkruar se AAK-ja po dëshmohet si subjekti politik me mbështetjen më të fuqishme nga bashkatdhetarët tanë në Zvicër.