Edhe Austria i kërkon Qeverisë së Kosovës draft-statutin në këmbim të anëtarësimit në KiE

https://www.bmeia.gv.at/

Ministria e Punëve të Jashtme të Austrisë kanë thënë se e përkrahin anëtarësimin e Kosovës në Këshill të Evropës.

Megjithatë, shtojnë se Qeveria e Kosovës duhet të ndërmarrë hapa për themelimin e Asociacionit të komunave me shumicë serbe, në mënyrë që të sigurojë shumicën e nevojshme për votim.

“Austria si një nga vendet e para që e njohu pavarësinë e Kosovës mbështet anëtarësimin e Kosovës në Këshillin e Evropës. Ne inkurajojmë fuqimisht qeverinë e Kosovës që të ndërmarrë veprime vendimtare në themelimin e ASMM (Asociacionit të Komunave me Shumicë Serbe) për të arritur në mënyrë të sigurt shumicën e nevojshme në Komitetin e Ministrave të Këshillit të Evropës”, kanë thënë për Gazetën Express nga Ministria e Punëve të Jashtme të Austrisë.