Hoxhaj: Spanja njeh Palestinën, por rreshtohet me Rusinë për Kosovën

EPA/VALDRIN XHEMAJ

Ish-ministri i Jashtëm, Enver Hoxhaj, ka kritikuar Spanjën dhe shtetet e tjera evropiane që kanë vendosur të njohin Palestinën, e jo Kosovën.

Në Twiter, ai tha se kjo qasje nuk u bën nder as Spanjës e as shteteve të tjera evropiane, duke u rreshtuar me politikën ruse në raport me Kosovën.

“Spanja ende refuzon të njohë shtetin më të ri të Evropës, Kosovën, duke përmendur procesin e dialogut të Brukselit, megjithatë ajo njeh Palestinën jashtë Marrëveshjes së Oslos”.

“Nuk i sjell asnjë nder Spanjës dhe shteteve të tjera evropiane të jenë në të njëjtën barkë me Rusinë për Kosovën”.

“Hipokrizi diplomatike?”, shkroi Hoxhaj.