Lorian Musa fiton medaljen e artë në turneun ndërkombëtar të karatesë, në Luksemburg

Sot ai ka dalë i pari në turneun internacional të Louxembourg-ut ( Lion Cup) në kategorinë U14, -50 kg.

Lorian Musa, djaloshi 13-vjeçar nga Mitrovica që jeton e garon në Zvicër, në kantonin e Valisit është tashmë pjesë e ekipit nacional të karatesë në Zvicër dhe fitues i çmimeve të ndryshme në shumë vende të botës.

Sot talenti, shpejtësia e puna e tij e pandalshme kanë bërë që Loriani të shndrisë në piedestal, duke dalë i pari dhe duke fituar medaljen e artë, në turneun internacional të Louxembourg-ut ( Lion Cup) në kategorinë U14, -50 kg, shkruan albinfo.ch.

Disa ditë më parë në një tourne Youth league në Coronya të Spanjes Lorian-i qe renditur në vendin e 9-të në nivel të globit, në kategorinë e tij, U14 -50kg.

Në rrugëtimin e tij sportiv mbështetje e meritë të madhe kanë trajneri i njohur botërisht Olivier Knupfer Duc dhe Iliana Bartolota, trajnere e tij.

Po ashtu, meritë të jashtëzakonshme kanë edhe Elena Quirici si dhe Raul Cuerva Mora. Sigurisht, pa harruar me këtë rast edhe trajnerin e tij të pandashëm, vëllain i tij, Lorik Musa, i cili po ashtu është karateist e fitues i disa çmimeve.

Pas pak ditësh djaloshi mitrovicas, Lorian Musa, do të marrë pjesë në garën që mbahet në Burgdorf të Zvicrës, për të fituar çmimin e radhës.

 

---