Osmani pret në takim Edi Ramën

Presidentja e Kosovës, Vjosa Osmani ka pritur në takim Kryeministrin e Shqipërisë, Edi Ramën këtë të hënë.
Rama po qëndron në Kosovë në kuadër të aktiviteteve të shënimit të ditës së Çlirimit të Kosovës.

“Bashkë, për t’i shënuar momentet më të rëndësishme të historisë së popullit tonë! Mirë se erdhe Kryeministër Rama!”, ka shkruar Osmani.

Në takim ishte dhe ish-kryeministri i Italisë, Massimo D’Alema.

Osmani po ashtu sot në orën 09:00, pret në takim edhe ish-kryeministrin e Mbretërisë së Bashkuar, Tony Blair, ku pas këtij takimi Presidentja Osmani dhe Blair do të deklarohen për media.

Në shënim të 25 vjetorit të çlirimit Osmani në orën 16:00, merr pjesë në shënimin e 146 vjetorit të Lidhjes së Prizrenit në Kompleksin Monumental të Lidhjes Shqiptare të Prizrenit.

E po ashut në orën 18:00, presidentja merr pjesë në Ekspozitën “Reporting House” nga BIRN, në Objektin e Gërmisë, sheshi “Skënderbeu” në Prishtinë.