Peja dhe Shkodra, mes qyteteve me popullsinë aktive në Evropë

Destinacionet më të mira për këmbësorët sipas një studimi të ri

Pak gjëra në jetë janë aq të këndshme, sa të vërtitesh nëpër një lagje të re në një qytet të ri, duke parë dyqanet, baret, restorantet dhe parqet.

Por, dekada zbatimi të politikave të përqendruara te automjetet, do të thotë se shumë qyteteve në mbarë botën, u mungojnë rrugët për këmbësorët, sipas një studimi të ri të quajtur “ABC of Mobility”.

Sa më i madh dhe më i pasur të jetë qyteti, aq më pak ka gjasa, që të jetë lehtësisht i lëvizshëm më këmbë. Por, ka mjaft përjashtime, siç tregojnë statistikat, shkruan shqip.al, transmeton albinfo.ch.

Porti detar i Mozambikut, Quelimane, me popullsi 350,000 banorë, është qyteti më ‘miqësor për këmbët’ nga 794 qytetet e anketuara në studim, por ka disa destinacione më pak të njohura në Evropë, metropolet e të cilave renditen dukshëm më lart, se ato të Shteteve të Bashkuara.

Në top dhjetëshe renditen edhe Kosova e Shqipëria, qyteti i Pejës (nr. 2) dhe Shkodrës (nr. 4), secili më përqindje të popullsisë aktive, (ecje ose përdorimin e biçikletës), përkatësisht 79 % dhe 73 %.

Në Holandë, kanalet me pemë të Utrehtit (nr. 3) dhe shkëlqimi monumental i Hagës (nr. 27), janë alternativa më të qeta ndaj Amsterdamit turistik (nr. 66).

Në veri të Spanjës, qyteti port i Bilbaos (nr. 8) është i famshëm për muzeun Guggenheim, të projektuar nga Frank Gehry dhe León (nr. 9) krenohet me rrënojat romake dhe katedralet gotike.

Së fundi, në rajonin alpin të Tirolit, ku Italia takohet me Austrinë, Bolzano (nr. 14) ofron një mundësi për t’u përballur me Ötzi, Njeriu i Akullit në muzeun arkeologjik, ndërsa në Innsbruck (nr. 25) mund të bëhet ski dhe alpinizëm.

---