Begaj për masat ndaj Kosovës: Janë të padrejta, shpejt vihet drejtësia në vend

Presidenti i Shqipërisë, Bajram Begaj, gjatë vizitës së tij në Kosovë ka deklaruar se masat e Bashkimit Evropian ndaj Kosovës janë të padrejta, duke shtuar se shumë shpejt drejtësia duhet të vihet në vend.

“Masat e BE-së për Kosovën janë të padrejta dhe besoj se shumë shpejt do të vihet në vend drejtësia”, ka theksuar presidenti shqiptar.

Begaj po ashtu ka thënë se raportet me Kosovës dhe Shqipërisë janë shumë të mira.

“Relacionet mes dy qeverive janë shumë të mira, bashkëpunimi është shumë i mirë. Do të vazhdojmë të bëjmë detyrën, të bashkëpunojmë në të mirë të qytetarëve tanë”, tha Begaj.

Këto komente, Begaj i bëri pas vizitës së tij në Komunën e Deçanit, pasi u shpall edhe “Qytetar nderi”, i kësaj komune.