Xhaka tremb Zvicrën, mesfushori mund të mos luajë kundër Anglisë

Frikë tek Zvicra, Xhaka i nënshtrohet rezonancës magnetike

Zvicra sfidon anglezët në Europian, në ndeshjen që do të luhet vetëm pas pak ditësh. Lajme të këqija vijnë nga kampi i zviceranëve, teksa së fundmi ka shfaqur probleme Granit Xhaka, përcjell albinfo.ch.

Për mesfushorin me origjinë shqiptare ende nuk dihet nëse do jetë apo jo në fushë, e vërteta do të mësohet vetëm pas analizave mjekësore përkatëse.

“Ne praktikuam gjuajtjet e penalltive para ndeshjes me Italinë. Në përpjekjen time të parë, ndjeva diçka në kofshën e majtë. Kjo është arsyeja pse unë anashkalova stërvitjen të enjten. Të premten në seancën e fundit stërvitore gjithçka ishte sërish mirë. Por, në lojë ndaj Italisë e ndjeva sërish pas 15 minutash. Fatmirësisht kemi mjekë shumë të mirë që më dhanë diçka për të. Isha në gjendje të luaja të gjithë ndeshjen më pas, gjë që ishte e rëndësishme për mua. Do t’í nënshtrohem një rezonace magnetike për të parë saktësisht se çfarë kam. Por unë kam shtatë ditë tani për të trajtuar gjithçka”, tha ai.

 

---