Arratiset Marko Roshiq, njëri nga të dënuarit për vrasjen e Oliver Ivanoviqit

Bëhet e ditur se është arratisur Marko Roshiq, i cili është njëri nga katër të dënuarit me 8 vjet burgim dhe 10 mijë euro gjobë për vrasjen e politikanit serb, Oliver Ivanoviq, përcjell albinfo.ch.

Lajmin e ka konfirmuar zëvendësdrejtori i Policisë së Kosovës për rajonin e veriut të Mitrovicës, Veton Elshani.

Ndërkohë policia që nga dita e vendimit për dënim me burg të Roshiqit është në kërkim të arrestimit të tij.

Ndryshe, në Gjykatën Themelore në Prishtinë u shpall aktgjykimi dënues ndaj katër të akuzuarve për vrasjen e Oliver Ivanoviq, i cili ishte lideri i Iniciativës Qytetare serbe ‘Liri, demokraci, drejtësi’.

Me tetë vjet burgim u dënua Marko Roshiq, për pjesëmarrje ose organizim i grupit kriminal lidhur me vrasje të rëndë si dhe me 10 mijë euro gjobë.

Ivanoviq ishte qëlluar me armë zjarri me 6 plumba përballë zyrave të partisë së tij më 16 janar të vitit 2018,  në rrugën “Sutjeska”, në Mitrovicën e Veriut.

Të akuzuarit nuk ishin në seancë kur u shpall aktgjykimi dënues.