Scholz mirëpret vendosjen e raketave amerikane në Gjermani

Kancelari gjerman Olaf Scholz ka vlerwsuar vendosjen e paralajmëruar të raketave amerikane me rreze të gjatë veprimi në Gjermani, duke thënë se ishte një hap i domosdoshëm për të siguruar vendin.

Marrëveshja – e cila u bë publike gjatë samitit të NATO-s të kësaj jave në Uashington – do të thotë se SHBA-në të vendosë një sërë sistemesh raketore në tokën gjermane nga viti 2026 e tutje.

“Ne kemi qenë prej kohësh duke u përballur me pyetjen se si mund të sigurojmë një pengesë që siguron territorin e aleancës sonë, por edhe Gjermaninë, me armë konvencionale”, u tha Scholz gazetarëve në Uashington.

“Ky vendim ka qenë në marrje për një kohë të gjatë dhe nuk është befasi e vërtetë për këdo që është i përfshirë në politikën e sigurisë dhe paqes”, shtoi ai

Moska e ka kritikuar njoftimin dhe tha se ai përshkallëzon tensionet.

Në një deklaratë, Kremlini tha se vendosja e raketave ishte një “kërcënim shumë serioz” nga NATO që do të kërkonte “masa reagimi”.