Sot Specialja shpall vendimin për Pjetër Shalën

Sot Gjykata Speciale do të shpallë vendimin ndaj ish-pjesëtarit të Ushtrisë Çlirimtare të Kosovës, Pjetër Shala, i akuzuar për krime lufte, përcjell albinfo.ch.

Mbi të rëndojnë akuzat për ndalim arbitrar, trajtim mizor, torturë dhe vrasje të paligjshme.

Gjykimi ndaj Shalës, i cili është deklaruar i pafajshëm, ka filluar në shkurt të vitit të kaluar.

Procesi gjyqësor kundër Shalës nisi më 21 shkurt 2023. Shala është deklaruar i pafajshëm për katër pikat e aktakuzës – ndalim arbitrar, trajtim mizor, torturë dhe vrasje të paligjshme.

Aktakuza pretendon se Pjetër Shala dhe disa ushtarë, policë dhe rojë të UÇK-së në mes 17 majit 1999 dhe 5 qershorit 1999 “morën pjesë në ndalimin arbitrar, trajtimin mizor, torturën dhe në një rast në vrasjen e paligjshme të një të ndaluari në fabrikën e metalit në Kukës të Shqipërisë”.

Shala ishte arrestuar në mars 2021 në Belgjikë dhe ishte transferuar në paraburgim në Hagë, në prill të atij viti.