Kurti shkon në Maqedoni të Veriut, takon Mickoskin

Kryeministri i Kosovës, Albin Kurti, këtë të hënë do të vizitojë Maqedoninë e Veriut.

Ai do të pritet në takim nga kryeministri i këtij shteti, Hristjan Mickoski.

Kryeministri i Kosovës do të jetë i shoqëruar nga disa anëtarë të kabinetit të tij dhe kjo vizitë vjen disa ditë pas incidentit diplomatik në aeroportin e Shkupit, ku presidentes së Kosovës, Vjosa Osmani, u tentua t’i merrej telefoni personal.

“Kryeministri Kurti, i shoqëruar nga ministra të kabinetit qeveritar, të hënën do të zhvillojë një vizitë pune në Maqedoninë e Veriut. Atje do të ketë një takim bilateral me kryeministrin e Maqedonisë së Veriut, me të cilin do të diskutojnë rreth raporteve bilaterale, bashkëpunimit rajonal dhe projektet  infrastrukturore me interes për dy shtetet. Realizimi i kësaj vizite është dakorduar më 20 korrik”, ka thënë për KOHËN zëdhënësi i Qeverisë, Përparim Kryeziu.