Policia e Kosovës kërkon ndihmë për arrestimin e Noizyt

Policia e Kosovës është vënë në kërkim të këngëtarit të njohur nga Shqipëria, Noizy. Dhe, për këtë ka kërkuar edhe ndihmën e qytetarëve.

Drejtoria Rajonale e Policisë në Pejë, bazuar në ligjin për publikimin e fotos me shënime të tjera të personit të kërkuar me autorizimin e Prokurorisë themelore nё Pejё, me qëllim lokalizimin dhe rrjedhimisht arrestimin e tyre, lëshon: Kërkesë për bashkëpunim me qytetarët.

Personat e  kërkuar janë: Rigels (Bashkim) RAJKU, i lindur më 27.09.1986 nё Durrёs-Shqipёri dhe Bahtjar (Shasivar) BAJRAKTARI, i lindur më 22.05.1992 nё Samadrexhё-Prizren.

Policia njofton se tё pandehurit kërkohen për veprën penale: Lёndim i rёndё trupor.

“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personave të dyshuar në fotot e bashkangjitura, të lajmërojë Policinë e Kosovës apo të lajmërohet në stacionin më të afërt policor. Numrat e telefonit dhe adresat elektronike kontaktuese për të kontaktuar Policinë e Kosovës: 192 dhe 080019999 (pa pagesë), 039 432 327-Drejtoria Rajonale Pejë, E-mail adresa: info@kosovopolice.com”, apelon policia./Albinfo.ch