Lajçak: Pretendimet se BE-ja është kundër hapjes së Urës së Ibrit janë të pavërteta

Emisari Special i Bashkimit Evropian për dialogun mes Kosovës dhe Serbisë, Miroslav Lajçak, ka reaguar pas disa pretendimeve se BE-ja është kundër hapjes së urës kryesore të Ibrit janë të pavërteta dhe çorientuese.

Përmes një postimi në  “X”, Lajçak ka thënë se BE-ja gjithmonë ka insistuar që çështja e hapjes së urës duhet të trajtohet në kuadër të dialogut mes Kosovës dhe Serbisë.

“BE-ja ka përsëritur në mënyrë të vazhdueshme se çështja e urës së Mitrovicës duhet të diskutohet në Dialogun e lehtësuar nga BE-ja. Pretendimet se BE-ja është kundër hapjes së urës ose ka ndryshuar qëndrim janë të pavërteta dhe çorientuese,” ka shkruar ai.