Shoqata Kulturore Shqiptare në Bernë zgjedh për herë të parë një grua në krye të saj

Për herë të parë Shoqata Kulturore Shqiptare Bashkimi, Bernë, do të drejtohet nga një grua.

Arbenita Zeka-Surdulli u zgjodh Kryetare e SHKSH Bashkimi, Bernë, Merita Mustafa, sekretare, ndërkaq Sabedin Selmani, arkëtar.

Gjithashtu u zgjodhën edhe udhëheqësit e katër komisioneve, Komisioni për Arsim, Kulturë, Rini dhe Sport, që do të udhëhiqet nga Xhemail Murtishi, këngëtar, Komisionin për Integrim do ta udhëheqë, Korab Rashiti, deputet kantonal në Bernë, Dr. Alida Ramaj do ta drejtojë Komisionin për Informim, ndërkaq Komisionin e Gruas do ta udhëheqë Teuta Gashi-Kryeziu, pedagoge sociale.

Në kuvendin e hapur dhe të 7-të zgjedhor të SHKSH Bashkimi që u mbajt në Bernë, morën pjesë 33 kuvendarë me të drejtë vote.

Gjatë zgjedhjes së kryesisë së re, rëndësi e veçantë i është kushtuar përfshirjes së anëtarëve nga të gjitha trojet shqiptare, ndërkaq risia tjetër është se për herë të parë në krye të shoqatës janë zgjedhur 4 gra, njofton shoqata.