Presidentja e Komisionit Evropian fton në takim liderët e Ballkanit Perëndimor

Presidentja e Komisionit Evropian, Ursula von der Leyen, do të zhvillojë takim me liderët e gjashtë vendeve të Ballkanit Perëndimor më 19 shtator, ka thënë zëdhënësi Eric Mamer.

Sipas tij, takimi i së enjtes do të mbahet në ndërtesën e Komisionit Evropian në Bruksel, transmeton albinfo.ch.

Bëhet e ditur se liderët e Kosovës, Shqipërisë, Malit të Zi, Maqedonisë së Veriut, Bosnjë e Hercegovinës dhe Serbisë janë të ftuar në takimin e Von der Leyenit, por emrat se kush do ta përfaqësojë secilin shtet ende nuk janë bërë të ditur.