Vajza arbëreshe, konkurrente në Miss Italia

Kostumet e saj tradicionale të përbëra me ngjyra arbëreshe

Në bashkinë arbëreshe Lungro është organizuar faza e njëzetetretë e Miss Italia Calabria, ndryshe përzgjedhja e katërt rajonale për  konkursin e njohur të bukurisë.

Motoja e këtij edicioni të Miss Italia Calabria, e cila është i fokusuar në valorizimin e territorit, “Kalabria mes historisë dhe traditave – një udhëtim magjepsës”.

Kryebashkiaku i Lungro, Carmine Ferraro, gjatë fjalës së tij përshëndetëse tha se ngjarje si kjo shërbejnë për të rritur ndërgjegjësimin për territorin tonë, historinë tonë, bukuritë tona. “Ne trashëgojmë dhe ruajmë me xhelozi gjuhën, zakonet dhe traditat”, tha ndër të tjera ai.

Teksa ilustrimi më i mirë i mesazhit të kryebashkiakut ishte sfilata me veshjen ceremoniale të gruas arbëreshe.

Komuna Lungro shtrihet në anën jugperëndimore të vargmalit malor Pollino, midis lumit Galatro dhe lumit Tiro. Me një popullsi prej rreth 3000 banorësh, ky fshat piktoresk ndodhet 600 metra mbi nivelin e detit, rrëzë malit Petrosa, dhe ofron një pamje që shtrihet deri në fushën e Sibarit.

Emri Lungro, i cili rrjedh nga greqishtja “ugros” (i lagësht), pasqyron natyrën e territorit të tij. Qyteti është i rrethuar nga male që bashkohen me masivin Pollino, duke ofruar peizazhe mahnitëse dhe një mjedis të pasur me histori. Sot, Lungro vazhdon të mbajë gjallë identitetin e tij arbëresh, duke kremtuar çdo vit festën e Shën Nikollës më 6 dhjetor dhe duke mbetur simbol i qëndresës dhe ruajtjes kulturore. Një perlë e trashëgimisë italiane që meriton të zbulohet dhe të vlerësohet.

Ky edicion i Miss Italia Calabria ishte në gjendje të demonstronte se si bukuria mund të bëhet një mjet për promovimin e kulturës dhe traditave të një rajoni të pasur me hijeshi dhe histori.

 

---