Belgjikë: Shpërndahen tekstet shkollore për fëmijët që mësojnë gjuhën shqipe

Ambasada e Shqipërisë në Belgjikë shpërndan tekste shkollore për fëmijët që mësojnë gjuhën amtare në shoqatën Vatra, përcjell albinfo.ch.

Këtë të shtunë, ambasadori Ferit Hoxha, ndërsa vizitoi klasat ku mësohet gjuha shqipe, Vatra, Belgjikë, shpërndau libra të nivelit të parë dhe të dytë të “Gjuha Shqipe dhe Kultura Shqiptare”.

Në bisedë me mësueset dhe nxënësit, Ambasadori u interesua për mbarëvajtjen e procesit mësimor dhe kulturor që zhvillohet çdo të shtunë.  Z. Amet Gjana dhe mësueset e shkollës shqipe falënderuan Ambasadorin për mbështetjen dhe propozuan që ky bashkëpunim të zgjerohet më tej, propozim i mirëpritur nga Ambasdori, i cili pasi shprehu mirënjohjen për përkushtimin e dëshmuar, konfirmoi vullnetin dhe u angazhua për të konkretizuar aktivitete që nxisin dhe përmirësojnë cilësinë e mësimdhënies.