Përçarjet dhe konfliktet ishin arsyet pse Mira Murati u largua nga kompania ChatGPT

Në kompaninë OpenAI të ChatGBT po ndodhin përçarje shumë serioze, përcjell albinfo.ch.

Dje është larguar nga kjo kompani edhe vetë simboli i saj, shefja e sektorit të teknologjisë, shqiptarja Mira Murati dhe disa prej udhëheqësve më të lartë të kompanisë.

CEO i kompanisë, Sam Altman, gjendet para marrjes së aksioneve në vlerë prej rreth 10 miliardë dollarë, por mbetet pa disa nga njerëzit më të rëndësishëm që kanë ngritur këtë kompani, si Mira Murati (35). Ajo ishte edhe ushtruese e detyrës së shefit kryesor, pas një përpjekje për largimin e Altman. Por duket se Altman (39 vjeç) e ka fituar këtë betejë, ndërsa Mira Murati ka bërë të ditur se do të themelojë diçka tjetër. Së bashku me Mirën janë larguar edhe një prej projektuesve më të rëndësishëm të Inteligjencës Artificiale, Bob McGrew si dhe studiuesi Barret Zoph.

Më parë janë larguar edhe disa persona të tjerë të rëndësishëm. OpenAI është themeluar në vitin 2015 si një organizatë joqeveritare, ndërsa sot ka një vlerë shumë miliardëshe.