Futbollisti shqiptar ftohet nga Gjermania U-21

Brajan Gruda do të grumbullohet nga Gjermania U-21, për dy ndeshjet e muajit tetor, ndaj Hungarisë dhe Polonisë, të vlefshme për kualifikueset e Europianit.

Në listën e bërë publike nga trajneri Antonio Di Salvio, bie në sy prezenca e futbollistit me origjinë shqiptare.

Gruda prej kohësh përflitej si një dëshirë e trajnerit Silvinjo te Shqipëria, për ardhje në Kombëtaren kuqezi.

Pasi nuk u thirr nga trajneri i Gjermanisë, Julian Nagelsmann, Gruda është ftuar nga kombëtarja e pancerave U-21 dhe do të jetë për dy takimet e radhës.

Kujtojmë se Gruda është pjesë e Brighton në Premier League, aty ku u transferua në verë nga gjermanët e Mainz.