Zelensky ia anulon vizitën në Ukrainë shefit të OKB-së

EPA/SERGEY DOLZHENKO

Presidenti i Ukrainës, Volodymyr Zelensky, i ka ndaluar shefit të Organizatës së Kombeve të Bashkuara, Antonio Guterres, hyrjen në Ukrainë, pas pjesëmarrjes së tij në samitin e BRICS. Samiti është mbajtur në Rusi dhe u organizua nga presidenti rus, Vladimir Putin.

Atje, Guterres u lut për “paqe të drejtë” në Ukrainë, duke bërë thirrje që t’u jepet fund luftimeve më shumë se dyvjeçare.

“Pas Kazanit, (Guterres) donte të vinte në Ukrainë, por presidenti nuk e konfirmoi vizitën e tij. Kështu që Guterres nuk do të jetë këtu, veçanërisht për shkak të poshtërimit të ligjit ndërkombëtar në Kazan”, tha një zyrtar ukrainas, raporton AFP.

Sipas një deklarate të OKB-së, gjatë bisedimeve me Putinin, Guterres përsëriti se “pushtimi rus i Ukrainës ishte në kundërshtim me Kartën e Kombeve të Bashkuara dhe ligjin ndërkombëtar”, transmeton albinfo.ch.