Muzeu me çokollata: Vizitorët i hanë eksponatet!

Në Muzeun e parë të çokollatës në Bjellorusi aq shumë ka probleme sa përfaqësuesit e muzeut u kanë bërë thirrje vizitorëve që të mos i hanë çokollatat e ekspozuara!

Muzeu, i cili është hapur në prill të vitit të kaluar në qytetin Vitebsk, shpejt u bë një atraksion turistik, por vizitorët shpejt në vend që t’i shikojnë, filluan t’i hanë eksponatet prej çokollatës.

Nikolai Popov, autor i të gjitha kryeveprave prej çokollate, ka frikë se në qoftë se vizitorët do të vazhdojë të injorojë lutjet e menaxherëve të muzeut, nuk mbetet asgjë për të ekspozuar.

Popov është detyruar të punësojë asistentë, të cilët pothuajse çdo ditë kanë sanuar me dhjetëra mostra të ekspozuara nga këto vepra arti. Vizitorët mund të shohin rreth 200 eksponate në ekspozitë me çokollatë, të vlerësuara nga ekspertët si kryevepra të vërteta, duke përfshirë pianon me çokollatë të bardhë dhe të zezë, harta historike të Bjellorusisë nga llojet e ndryshme të çokollatës. Veçanërisht për vizitorët është joshëse dy metra e lartë Kulla e Eifelit, e bërë nga 512 pjesë. Ajo është e vendosur në pjesën qendrore të muzeut, por pjesë të saj janë “kafshuar”, nën pretekstin e atyre  se duan të ndiejnë shijen e ëmbël të Francës.