Kosova dhe Shqipëria prijnë me kërkesa për azil në BE

(KEYSTONE/Christian Beutler)

Shtetasit nga Kosova dhe Shqipëria vijojnë të kryesojnë me një diferencë të dukshme se vendet e tjera të rajonit të Ballkanit për nga kërkesat për azil në vendet e Bashkimit Evropian.

Sipas të dhënave më të fundit të Agjencisë Evropiane për Azilin (EUAA), gjatë muajit shtator të këtij viti u paraqitën 586 kërkesa të reja për azil nga Shqipëria dhe 584 kërkesa nga Kosova, raporton VoA, përcjell albinfo.ch.

Numri i kërkesave për azil të shtetasve shqiptarë nga Kosova dhe Shqipëria gjatë muajit shtator është dukshëm më i lartë krahasuar me vendet e tjera në rajon, ku nga Maqedonia e Veriut janë paraqitur në një nga vendet e Bashkimit Evropian 286 kërkesa për azil, nga Serbia 252, nga Bosnjë e Hercegovina 252 dhe nga Mali i Zi vetëm 46 kërkesa.

Numri i kërkesave për azil të shtetasve shqiptarë në vendet e Bashkimit Evropian në nëntë muajt e parë të këtij viti ka shkuar në rreth 5500./Albinfo.ch