Jashari shpallet lojtari më i mirë i ri në Zvicër

(KEYSTONE/Gian Ehrenzeller)

Mesfushori Ardon Jashari, është shpallur lojtari më i mirë i ri i vitit 2024 në Zvicër, në ceremoninë e mbajtur të hënën në Bernë, përcjell albinfo.ch.

Futbollisti shqiptar shkëlqeu me fanellën e Luzernit, ndërsa aktualisht po luan me shumë sukses edhe te skuadra e Clube Brugge të Belgjikës. Jashari ka falënderuar trajnerin Mario Frick për mbështetje. Fjalë të mëdha për Jasharin dha edhe Frick. 

“Një lojtar i shkëlqyer. E dija që në ditën e dytë se ai do të bëhej një lojtar i madh. Ai tashmë është një lojtar kryesor në Club Brugge, kjo nuk më befason. Është një hap para. Mendoj se së shpejti do ta shohim në një ligë tjetër”, ka thënë Frick.

Ndërkohë, lojtari më i mirë i Kategorisë së Dytë të Zvicrës është shpallëur Valon Fazliu. Ai është lojtar i Aaraut. Në edicionin e kaluar pati shënuar 14 gola në 36 ndeshje në të gjitha garat. Në edicionin aktual Fazliu ka shënuar shtatë gola në 12 ndeshje. Fazliu 28-vjeçar luan në ofensivë.