Gjermania dënon planin e Trump për t’u larguar nga OBSH

Ilustrim, Pixabay

Ministri gjerman i Shëndetësisë Karl Lauterbach kritikoi planet e presidentit të SHBA, Donald Trump për t’u tërhequr nga Organizata Botërore e Shëndetësisë (OBSH).

Presidenti Donald Trump nënshkroi të hënën një urdhër ekzekutiv për tërheqjen e SHBA-së nga Organizata Botërore e Shëndetësisë (OBSH)

Lauterbach e quajti njoftimin e Trump një goditje për luftën ndërkombëtare kundër krizave globale shëndetësore.

“Pa kontributet e SHBA-së, do të jetë shumë më e vështirë të ndihmohen vendet e prekura nga sëmundjet infektive ose fatkeqësitë mjedisore”, theksoi Lauterbach.

“Shumë programe të OBSH-së për t’iu përgjigjur urisë, fatkeqësive natyrore dhe luftërave financohen nga dollarë amerikanë”, theksoi Lauterbach.

Ai gjithashtu theksoi se siguria globale shëndetësore është në interes të të gjitha vendeve, përfshirë Shtetet e Bashkuara.

“Qindra mijëra njerëz do të ishin në rrezik, veçanërisht shumë fëmijë”, paralajmëroi Lauterbach.

Ai tha se Gjermania, “si një partner i kahershëm i OBSH-së, është i vetëdijshëm për përgjegjësinë e saj dhe ka rritur kontributin e saj në OBSH vitet e fundit”.

Trump kishte tentuar tashmë të tërhiqte Shtetet e Bashkuara nga OBSH në vitin 2020, gjatë mandatit të tij të parë, por nisma u rrëzua nga pasardhësi i tij, Joe Biden, në vitin 2021, përpara se të hynte në fuqi.

Në një urdhër ekzekutiv të hënën, Trump tha se organizata i ishte përgjigjur dobët pandemisë së koronavirusit dhe po kërkonte në mënyrë të padrejtë kontribute nga Shtetet e Bashkuara.