Selanik: Ekspozita e Arian Mavriqit një sukses në vete për botën e egër

Fotografi nga Kosova, Arian Mavriqi, është dëshmia më e mirë se, fotografia nuk është thjesht shkrepje.

Ai ka çelur në Selanik ekspozitën e tij fotografike.

Ariani për një kohë të gjatë ka dokumentuar dhe vazhdon të dokumentoj botën e egër të shpendëve dhe kafshëve duke promovuar kështu edhe biodiverzitetin e pasur të vendit.

Fundjavën që lam, në një ekspozitë personale para publikut grek, ai ka prezantuar një pjesë të imazheve të shkrepura të shpendëve dhe kafshëve në habitatet e tyre natyrore.