Lille sonte përballet me Strasbourgun, mungon Edon Zhegrova

Keystone (AP Photo/Michel Spingler)

Lille të shtunën nga ora 19:00 përballet me Strasbourgun, por nuk do ta ketë Edon Zhegrovën në përbërje. Zhegrova po vuan nga një lëndim dhe ka humbur shumë ndeshje së fundmi.

Lille dhe Strasbourgu ballafaqohen në ndeshjen e xhiros së 19-të të Ligue 1 të Francës. Lille ka 32 pikë dhe është në pozitën e tretë, ndërsa Strasbourgu me tetë pikë më pak është në vendin e dhjetë.

Të shtunën nga ora 21:05, Paris Saint-Germaini ballafaqohet me Reimsin.

Parisienët po marshojnë sigurt drejt një tjetër titulli në elitën franceze.

Aktualisht janë liderë me 46 pikë.

PSG-ja është skuadra e vetme këtë edicion në kampionatin francez që edhe pas 18 ndeshjeve të luajtura nuk ka humbje.

Reimsi ka 21 pikë në vendin e 13-të.