Dy artistët nga Kosova mirëpriten në Ambasadën e Kosovës në Gjermani

Arbër Salihun, artist, muzikant, këngëtar dhe kompozitor nga Prishtina, i njohur ndryshe me emrin e tij artistik „La Fazani“, si dhe artistja, shkrimtarja dhe psikologia, Likana Cana

Ambasadori Afrim Ajeti pati kënaqësinë e veçantë të pres në Berlin, Arbër Salihun, artist, muzikant, këngëtar dhe kompozitor nga Prishtina, i njohur ndryshe me emrin e tij artistik „La Fazani“, si dhe artisten, shkrimtaren dhe psikologen Likana Cana, përcjell albinfo.ch.

Arbëri dhe Likana kanë fituar fondin nga Bashkimi Europian “Culture Moves Europe”, ku përmes tij kanë pasur mundësinë të qëndrojnë për një kohë të shkurtër në Berlin dhe të krijojnë kontakte me artistë të ndryshëm, si dhe të thellojnë bashkëpunimet për projekte të ndryshme ndërmjet Berlinit dhe Prishtinës.

Aktiviteti kryesor që ata janë duke e organizuar është ngjarja kulturore “Telepathy Tunnel”, një koncert me artistë të jashtëzakonshëm si Ereza Rezi, La Fazani, Agona Shporta, Arbëreshë, me performancë nga Jehonë Jahaj, si dhe artistë të tjerë që do të mbahet me 22 shkurt 2025 në Prachtwerk në Berlin.

“Jemi gjithashtu të lumtur që raftet e bibliotekës tonë u pasuruan edhe me veprën „This is a Mirror“ nga autorja Likana Cana, i cili tani e tutje mund të gjendet në shitje edhe në libraritë e qytetit në Berlin”, thuhet në postimin e Ambasadës.

---