Më pak të huaj vijnë në Zvicër por rritet popullata me sfond migracioni

Imigrimi në Zvicër ra paksa vitin e kaluar, por popullsia e huaj rezidente vazhdoi të rritet.

Statistikat e publikuara nga Sekretariati Shtetëror për Migracionin (SEM), tregojnë se imigrimi neto në popullsinë e huaj rezidente të përhershme ka rënë me 15.6 për qind nga një vit më parë në 83,392 persona.

Ato gjithashtu tregojnë se në fund të vitit 2024, 1,578,629 qytetarë të Bashkimit Evropian dhe EFTA (Norvegji, Islandë dhe Lihtenshtajni) jetonin përgjithmonë në Zvicër, së bashku me 789,735 shtetas të vendeve të treat, transmeton albinfo.ch.

Grupi më i madh i popullsisë së huaj janë italianët (346,981 persona), të ndjekur nga gjermanët (332,132), portugezët (263,028) dhe francezët (173,353).

Ja çfarë tjetër tregojnë numrat e rinj:

Më pak ardhje të reja

Migrimi neto ishte 83,392 persona deri në dhjetor 2024, nga 98,851 të regjistruara në 2023.

Konkretisht, imigrimi i “personave aktivë”, pra atyre që vijnë për të punuar në Zvicër dhe jo, të themi, për bashkim familjar, ra me 8.7 për qind (9003 persona) krahasuar me vitin 2023.

SEM e shpjegoi këtë rënie me një rënie (me 8.7 për qind) të emigrantëve që kërkojnë punësim në Zvicër, e cila, nga ana tjetër, ishte për shkak të një ngadalësimi të lehtë në tregun e punës, shkruan thelocal.

“Pas dy vitesh rritje të fuqishme ekonomike, konsolidimi i pritshëm në tregun e punës u ndje nga pranvera e 2024-ës e në vazhdim”, thuhet në njoftimin për shtyp të SEM. “Megjithatë, mungesa e fuqisë punëtore mbetet në një nivel të lartë në shumicën e sektorëve ekonomikë.”

Numri i të huajve rezidentë është në rritje

Nga ana tjetër, popullsia e huaj rezidente – ato që qëndrojnë në vend afatgjatë – vazhdoi të rritet, duke arritur në 2,368,364 persona në fund të vitit 2024, me shtetasit e BE-së dhe shteteve të EFTA-s që përbëjnë shumicën (67 për qind).

Qytetarët francezë (+7,669), afganët (+6,413) dhe gjermanët (+6,099) dominojnë renditjen, ndërsa britanikët dhe serbët panë që numri i tyre të zvogëlohet, përkatësisht me 1,179 dhe 985 persona.

Për sa i përket lejeve që i nënshtrohen kuotave për personat nga vendet e treta, 69 për qind e autorizimeve afatshkurtra L (2,779) dhe 79 për qind e lejeve B (3,543) ishin përdorur deri në fund të dhjetorit 2024.

Në lidhje me njerëzit që vijnë nga jashtë BE/EFTA, bashkimi familjar mbetet arsyeja kryesore për emigracionin, sipas SEM.

Po natyralizimi?

Rreth 40,291 persona morën shtetësinë zvicerane në vitin 2024, një rënie prej 2.4 për qind krahasuar me një vit më parë.

---