Prej fillimit të vitit janë vrarë 51 gazetarë

Që nga fillimi i 2015, në 20 vende janë vrarë 51 gazetarë, thuhet në raportin e organzatës zvicerane « Press Emblem Campaing », me seli në Gjenevë, e cila angazhohet për mbrojtjen e gazetarëve.

Në prag të 3 majit Ditës Botërore të lirisë së shtypit, organizata zvicerane ka shprehur shqetësim të thellë rreth përkeqësimit të kushteve të sigurisë në shumë vende, që ndikojnë në kryerjen e detyrave profesionale të gazetarëve. Dhe në qoftë se në katër muajt e parë të 2014 të kaluar janë raportuar 41 vdekje të gazetarëve në të njëjtën periudhë të këtij viti janë shtuar dhjetë viktima më shumë. Bëhet fjalë për rreth 24 për qind ose më shumë të tri viktimat në javë, thuhet në raportin e „Press Emblem Campaign”.

Lindja e Mesme mbetet rajoni me numrin më të madh të viktimave, 17 të vrarë, dhe në Ameriken Qendrore, ku në Meksikë, Guatemala dhe Honduras janë vrarë 6 gazetarë, tre prej tyre vetëm në Guatemalë. Libi, u bë vendi më i rrezikshëm, ku tetë gazetarë janë vrarë. Pastaj vjen Jemeni me 4 viktima, aq sa janë regjistruar në Ukrainë, ku për tri nga rastet është fjala për të ashtuquajturat ‘vrasjet në shënjestër’, “thuhet në raport, duke shtuar se gjithsej, që nga maji i vitit të kaluar deri në prill këtij viti janë vrarë 148 përfaqësues të mediave.

Organizata „Press Emblem Campaign”, e themeluar në vitin 2004, ka status konsultativ në Kombet e Bashkuara. Organizata në fjalë është duke u bërë përpjekje për të mobilizuar opinionin publik për të ndërmarë hapa më vendimtarë për të garantuar sigurinë e punëtorëve të mediave në zonat e konfliktit.

Përveç kësaj, organizata vazhdimisht ka reaguar për rastet kryesore të shkeljes së lirisë së shprehjes apo të etikës gazetareske.