Nis ndërtimi i ambasadës së SHBA-ve

Ndërtimi i ambasadës amerikane në Prishtinë do të kushtojë rreth 250 milion euro, ndërsa në të do të punësohen 700 punëtorë

Përfaqësuesit e institucioneve të Kosovës dhe diplomatët e Shteteve të Bashkuara të Amerikës të akredituar në Kosovë, inaugurua sot zyrtarisht ndërtimin e objektit të Ambasadës së SHBA-ve në Prishtinë. Ambasadorja Tracey Ann Jacobson tha objekti i ri thellon edhe më shumë marrëdhëniet ndërmjet dy vendeve.

“Në këto 16 vite ekipi ynë ka punuar me shumë zell, për ta mbështetur Kosovën në rrugëtimin e vetë në zhvillimin e demokracisë dhe sundimit të ligjit dhe në zhvillimin ekonomik. Prandaj, po e ndjej që sot po e vëmë gurthemelin jo vetëm për një ndërtesë tepër të domosdoshme, por edhe për shënimin e vazhdueshme të miqësisë sonë”, ka theksuar Jackobson.

Gurthemelin e objektit të ambasadës e kanë vendosur presidentja Atifete Jahajga dhe ambasadorja Jacobson.

“Ky moment shënon fillimin e ndërtimit të shtëpisë tuaj të përhershme në Kosovë, në shtetin tonë të ri qytetarët e të cilit u janë përjetësisht falënderues dhe mirënjohës për rolin e guximshëm dhe historik që keni në bërjen e Kosovës shtet. Bashkë kemi bërë goxha një udhëtim”, deklaroi Jahajga.

Ajo tha se SHBA-të qëndruan përkrah Kosovës në momentet më sfiduese të shekullit të kaluar, dhe “bashkërisht nisëm një kapitull të ri të shpresës dhe optimizmit në fillim të

Ndërtimi i saj do të bëhet në hapësirën prej 5 hektarësh në lagjen “Arbëria” (Dragodan) në kryeqytet, tokë kjo që i është dhënë Ambasadës në shfrytëzim për 99 vjet. Objekti i Ambasadës amerikane do të kushtojë 250 milion euro, ndërsa në të do të punësohen 700 punëtorë. Ndërtimin e ambasadës e udhëheq një kompani amerikane.